Қарағанды облысы,Саран қалалық мешітінің имамы Мұсабеков Нұржігіт Оразалыұлының бастамасымен 9 мамырда Ұлы Жеңістің 80 жылдығына орай Саран қаласына қарасты мешіттерде екінші дүниежүзілік соғысқа қатысқан ардагерлер мен қаза тапқан боздақтарға Құран бағышталды.Мешіт жамағаты мен қала тұрғындары бірлесе отырып, ата-бабаларымыздың ерлігі мен батырлығына тағзым етті.

Имамдар тарапынан арнайы дұғалар оқылып, қаза болған жауынгерлердің рухына Құран аяттары арналды. Бұл игі бастама өскелең ұрпақтың тарихи жадын жаңғыртып, рухани тәрбие беруге бағытталған.

Мешітке жиналған қауым ардагерлерге алғыс білдіріп, бейбіт күннің бағасын түсіне отырып, еліміздің тыныштығы үшін дұға жасады.

ҚМДБ Қарағанды облысы өкілдігінің баспасөз қызметі