ҚМДБ-ның Қарағанды облысына қарасты "Уақып" қорының саяжайына жеміс ағаштары отырғызылды. Темірбек Ахметұлы атындағы  бұл саяжай мен ондағы үй  Қарағанды облысы өкілдігіне қарасты «Уақып» қорына қайтарымсыз негізде уақып етіп берілген болатын.

Игі амалды жалғастыру мақсатында облыстық «Уақып» қорының жетекшісі Бақдәулет Қыдырбайұлының ұйымдастыруымен аталмыш саяжай аумағында көгалдандыру жұмыстары жүргізілді.

Атап айтқанда, облыстық «Әнет баба» мешітінің шәкірттері мен Темірбек Ахметұлының ұрпақтары саяжай аумағына қырық түп алма, шие ағаштарының көшеттерін отырғызды. Бұл іс-шара уақып иесінің сауабына арналып, елдімекеннің көркеюіне де үлес қосуды мақсат етті.

Мұндай бастамалар дәстүрлі ислами құндылықтарды насихаттап, сауапты істің жаршысы болуға жол ашады.

ҚМДБ-ның  Қарағанды облысы бойынша баспасөз қызметі