Ұлы Отан соғысы жылдарында елдің бостандығы мен тәуелсіздігін қорғаған халқымыздың өшпес ерлігі – жүректерімізде мәңгі сақталады.

Осыған орай, Қарағанды қалалық «Хазрет Али» мешітінде Ұлы Жеңістің 80 жылдығына арналған рухани іс-шара өтті. Жиын барысында Отан үшін жанын пида еткен ерлердің рухына Құран бағышталып, арнайы дұғалар оқылды.

Мешіттің наиб имамы Асылбек Жұпархан бастаған жамағат ел мен жердің амандығы, тыныштығы мен бейбіт өмірдің баянды болуы үшін Жаратқаннан тілек тіледі.

Кешегісін ұмытпаған ел ғана болашағына нық қадам басады. Бүгінгі бейбіт күн – майдангерлеріміздің жанқияр ерлігінің жемісі. Олардың есімі мен ерлігі – ұлт жадынан өшпек емес.

ҚМДБ Қарағанды облысы өкілдігінің баспасөз қызметі