«Ислам және отбасы құндылығы» жылы аясында Қарағанды облысы, Шет аудандық «Жанқұтты би» мешітінде «Әке – отбасы тірегі» тақырыбында мешіт жамағатымен кездесу өтті.

«Дін мен дәстүр» бағыты бойынша ұйымдастырылған кездесуде мешіт имамы Берік Алпысбайұлы отбасындағы әкенің орны мен жауапкершілігі жайында тағылымды насихат айтты. Сондай-ақ бала тәрбиесіндегі әкенің өнегесі мен рөліне де тоқталып, жамағатпен пікір алмасты.

Аталған кездесу отбасылық құндылықтарды дәріптеуге, ата-баба салтын жаңғырта отырып, ұрпақ тәрбиесіне мән беруге бағытталды.

ҚМДБ Қарағанды облысы өкілдігінің баспасөз қызметі