Center Image
IHSAN.KZ
«Хазрет Али» мешіті қарттар үйіне қамқорлық көрсетті
«Хазрет Али» мешіті қарттар үйіне қамқорлық көрсетті

Қарағанды қалалық «Хазрет Али» мешітінің имамы Ербол Мұқанұлының ұйымдастыруымен Әлихан Бөкейхан ауданындағы қарттар үйіне зиярат жасалды.

Іс-шара барысында мешіт имамы қарияларға ыстық ықыласын білдіріп, тағылымды насихат айтты. Ол өз сөзінде Пайғамбарымыз Мұхаммед (Алланың оған игілігі мен сәлемі болсын): «Мейірімділік көрсетпегенге мейірімділік танытылмайды», – деген өсиетін еске салып, үлкенге құрмет көрсетудің исламдағы орнына тоқталды.

«Қазақта «Қарты бардың қазынасы бар» деген керемет сөз бар. Өмір болған соң, түрлі жағдайлар болады. Десе де, қартын құрметтеген халқымыздың асыл қасиеті әркез жасай береді», – деген Ербол Мұқанұлы мен мешіт қызметкерлері ақ сақалды аталар мен ақ жаулықты аналарды өз ата-анасындай қарап отырған мекеме басшысы мен ұжым мүшелеріне ризашылықтарын білдірді.

Сонымен қатар, қарттарға мешіт атынан жеміс-жидекке толы себеттер табысталды.

ҚМДБ Қарағанды облысы өкілдігінің баспасөз қызметі


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz