Халықаралық отбасы күніне орай «Бала қажы» мешітінде «Дін мен дәстүр» аясында рухани жиын өтті. Шараға мешіт шәкірттерімен қатар жамағат та қатысып, ақ дастархан басында «Отбасындағы сүйіспеншілік пен өнеге» тақырыбында уағыз-насихат тыңдады.

Жиын барысында отбасындағы ер азаматтың орны мен жауапкершілігі, бала тәрбиесіндегі әкенің рөлі туралы тағылымды ойлар айтылып, исламдағы отбасы берекесі жөніндегі хадистер мен аяттар келтірілді. Жамағат имандылық пен ұлттық құндылықтар негізінде берілген насихатты үлкен қызығушылықпен қабыл алып, алдағы уақытта да осындай игі басқосулар жалғасын тапса деген ниет білдірді.

ҚМДБ Қарағанды облысы өкілдігінің баспасөз қызметі