«Бала қажы» мешітінде жас отбасыларды қолдау және отбасылық құндылықтарды насихаттау бағытында түрлі жұмыстар жүргізілуде. Соның бірі – «Өнегелі отбасы – қоғам байлығы» тақырыбы аясында өткен тағылымды кездесу.

Бұл жолы бір әулеттің бірнеше жастары отау тігіп, неке қию рәсіміне арнайы келген. Салтанатты сәтке жастардың ата-аналары мен ата-әжелері де қатысып, ұлағатты шараның куәсі болды.

Мешіттің бас имамы Нуров Махмуд қажы Нұрұлы неке қию рәсімін жүргізіп, отбасы құндылығы туралы уағыз айтты. Сондай-ақ жастарға үлкен шаңырақтың иесі болу, жауапкершілік пен сыйластық жайында маңызды кеңестер берді.