Қарағанды қалалық «Бала қажы» мешітінің имамы Нуров Махмуд қажы Нұрұлы мамыр айындағы мерекелерге орай қарттар мен жетімдер үйіне барып, ізгі іс-шара өткізді.

Қазыналы қарияларға құрмет көрсету мақсатында мешіт ұжымы мен жамағаты бірнеше үйге арнайы барып, ақ жаулықты аналарымыздың хал-жағдайын біліп, ақ батасын алды. Бұл бастама – халқымыздың бірлігі мен татулығын нығайтуға бағытталған игі іс болды.

Имам өз сөзінде бірлік пен ынтымақ – ел тұрақтылығының кепілі екенін айтып, мұндай қайырымдылық шаралары мешіт тарапынан тұрақты түрде ұйымдастырылатынын жеткізді.

ҚМДБ Қарағанды облысы өкілдігінің баспасөз қызметі