Халықаралық отбасы күніне орай Қарағанды облысы, Бұқар жырау аудандық «Жыржыс қажы» мешітінде «Өнегелі отбасы – қоғам байлығы», «Исламдағы отбасы» тақырыбында жас отау көтерген жастармен тағылымды кездесу ұйымдастырылды.

Аудан имамы Рүстем Мұратұлының бастамасымен өткен игі басқосуда ақ сақалды қариялар мен ақ жаулықты аналар жаңадан шаңырақ көтерген жастарға өмірлік тәжірибелерімен бөлісіп, өнегелі насихат айтты. Жиын соңында Құран оқылып, ата-баба рухына дұға бағышталды.

ҚМДБ Қарағанды облысы өкілдігінің баспасөз қызметі