Қарағанды қаласындағы «Әл-Ғаффар» мешітінде жұма намазынан кейін тұрақты түрде намаз оқып үйрену дәрістері жүргізіліп келеді.

Мешіт ұстазы Азамат Төлеухан жамағатқа намаздың – ғибадаттың негізі, діннің тірегі екенін түсіндіріп, Ханафи мәзһабы бойынша намаз оқу тәртібін дәлелдермен кеңінен баяндайды. Сонымен қатар жамағат тарапынан қойылған түйткілді сұрақтарға да нақты әрі түсінікті жауаптар беріледі.

Айта кету керек, мешіт ішінде арнайы «Намаз оқып үйрену» бұрыштамасы да әзірленіп, жамағаттың игілігіне ұсынылған.

ҚМДБ Қарағанды облысы өкілдігінің баспасөз қызметі