Қарағанды қаласындағы «Әл-Машани» мешітінде ҚМДБ бекіткен «Дін мен дәстүр» бағыты аясында әйел-қыздар жамағатына арналған уағыз-насихат жүргізілді.

Мешіт ұстазы Бақытгүл Айтқалиқызы «Зиярат мәдениеті мен әдебі» тақырыбында сөз сөйлеп, киелі орындар мен әулие мазарларын зиярат етудің шариғаттағы тәртібі, рұқсат етілген және тыйым салынған амалдар туралы кеңінен түсіндірді.

Іс-шара барысында қатысушыларға дұрыс ниетпен зиярат ету әдебі, діндегі теңгерім мен ысырапқа жол бермеу қағидалары да насихатталды.

ҚМДБ Қарағанды облысы өкілдігінің баспасөз қызметі