Халқымыз: «Қайырымдылық жасасаң, қайырын өзің көресің», – деп бекер айтпаған.

Қайырымдылықты тұрақты түрде жүзеге асыруды дәстүрге айналдырған Қарағанды қалалық «Төлеутай ата» мешіті әлеуметтік көмекке мұқтаж үш отбасыға азық-түлік себеттерін үлестірді.

Игі іс-шара мешіттің бас имамы Рауан Төлеубекұлының ұйымдастыруымен өтті. Әр отбасыға 25 келі етпен қатар, күнделікті тұрмысқа қажетті сұйық май, шай, күріш, макарон өнімдері және басқа да азық-түлік түрлері жеткізілді.

Игі амалдар алдағы уақытта да жалғасын табады.

ҚМДБ Қарағанды облысы өкілдігінің баспасөз қызметі