Қарағанды қалалық №11 Өрт сөндіру бөлімінде «Әл-Ғаффар» мешітінің имамдары түсіндіру, насихаттық іс-шара өткізді.

Жиынды мешіттің бас имамы Ермахан Оралбай бастап, қазіргі қоғамдағы өзекті мәселе — «Өз-өзіне қол жұмсау» тақырыбында баяндама жасады. Ислам дінінде суицидтің ауыр күнә екендігін атап өткен имам, Құран аяттары мен Пайғамбар хадистерінен мысалдар келтіріп, бұл әрекеттің ахиреттік жауапкершілігі жайында кеңінен түсіндірді.

Сонымен қатар, мешіт ұстазы Азамат Төлеухан «Діни экстремизм және терроризмнің алдын алу» тақырыбында насихат жүргізді. Ол қоғамдағы жікшілдік, діни сауатсыздық, әлеуметтік қиындықтар мен радикалды ағымдардың жастарға әсері туралы айтып, нақты алдын алу шараларын атап өтті.

Іс-шара соңында мамандар тарапынан қойылған сұрақтарға жауап берілді.

ҚМДБ Қарағанды облысы өкілдігінің баспасөз қызметі