Халықаралық отбасы күніне орай Қарағанды қалалық «Төлеутай ата» мешітінде «Өнегелі отбасы – қоғам байлығы» және «Исламдағы отбасы: сүйіспеншілік пен құрмет» тақырыптарында жас отбасылармен тағылымды кездесу ұйымдастырылды.

Жиында мешіт имамы Рауан Төлеубекұлы жаңадан неке қиған жастарға өмір тәжірибесінен ақыл-кеңесін айтып, Ислам дініндегі отбасы құндылықтарының маңызы, ерлі-зайыптылардың өзара жауапкершілігі мен құрметі туралы жан-жақты түсіндірді.

Кездесу барысында жас отбасылар өздерін толғандырған сұрақтарға тұшымды жауап алды. 

ҚМДБ Қарағанды облысы өкілдігінің баспасөз қызметі