Қарағанды облысы, Шахтинск қалалық «Нұр» мешітінде жамағат дастархан басында бас қосып, ынтымақ пен бірлік жайлы сұхбат құрды.

Кездесуге қатысқан мешіттің наиб имамы жамағатты ауызбіршілік пен көркем мінезге үндеп, Ислам дініндегі татулықтың орны мен маңызына тоқталды. Басқосу барысында жамағат өкілдері өзара пікір алмасып, алдағы уақытта бірлесе атқаратын игі істер жайлы ұсыныстарын ортаға салды.

Жиын соңында елдің амандығы мен халықтың имандылығы артуы үшін дұға жасалды.

ҚМДБ Қарағанды облысы өкілдігінің баспасөз қызметі