Қарағанды облысы Шахтинск қаласында орналасқан мұсылман зиратына жаңа қоршаулар орнатылып, қоршау құрылымы толықтай жаңартылды. Бұл сауапты іс Шахтинск қалалық «Нұр» мешітінің бас имамы Мәулен Әбілхайыр Кәсенұлының ұйымдастыруымен жүзеге асты.

Игі іс-шараға мешіт жамағаты белсенді түрде атсалысып, зират маңындағы ескі қоршауларды қалпына келтіру, дәнекерлеу және жөндеу жұмыстарына қолдау көрсетті. Қайырымды азаматтардың көмегімен зират толық қоршалып, тазартылды және ретке келтірілді.

Аталған жұмыс мұнымен шектелмей, алдағы уақытта зираттың ішкі жолдары мен қабір белгілерін ретке келтіру жоспарланып отыр. Жамағат тарапынан қолдау тапқан бұл игі іс – өліге құрмет, тіріге өнеге болмақ. 

ҚМДБ Қарағанды облысы өкілдігінің баспасөз қызметі