Шет ауданы, Ақадыр кентіндегі «Иса молла» мешітінде тазалық жұмыстары жүргізілді. 

Аталған іс-шара әйелдер жамағатының ұстазы Әлия Рахманқызының ұйытқы болуымен өтті. Тазалық жұмысына әйелдер қауымы мен шәкірттер белсене қатысып, мешіттің айналасын тазалап, қоршаған ортаны абаттандыруға өз үлестерін қосты.

Игі бастама аясында қатысушылар тазалық – иманның жартысы екендігін еске салып, ортақ мекеніміз мешітке деген құрмет пен жауапкершілікті көрсетті.

ҚМДБ Қарағанды облысы өкілдігінің баспасөз қызметі