«Бауырластықтың артықшылығы» тақырыбында «Әл-Машани» мешітінде әйел-қыздар жамағатының ұстазы Бақытгүл Айтқалиқызы іс-шара өткізді.

Жамағатқа бірін-бірі Алла үшін жақсы көру және Алланың дінінде бауыр болу ең абзал сауап істердің бірі экені түсіндірілді. Күнделікті досыңмен Алла жолында жақсы қарым-қатынас орнату ,ғибадатты жүзеге асырудың оңай жолы.

Жиында Пайғамбарымыздың (Алланың оған игілігі мен сәлемі болсын) «Екі мұсылман бауырдың бір-біріне жолыққаны, мысалы бірін-бірі жуатын екі қолдың мысалы сияқты» және «Біреумен Алла үшін бауыр болған адамды Алла Тағала сондай дәрежеге көтереді, ол дәрежеге басқа еш амалмен жете алмайды»,-деген хадистері айтылды.

Іс-шара аясында бауырластық міндеттерін орындау арқылы Аллаға жақындап, дәржелері өсетіні баяндалды. 

ҚМДБ Қарағанды облысы өкілдігінің баспасөз қызметі