Қарағанды облысы, Теміртау қаласындағы «Әлихан Бөкейхан» мешітінің имамы Ақниет Сәлімбайұлының бастамасымен мешіт жамағатының жастары арасында достық шағын футбол ойыны ұйымдастырылды.
Іс-шараның негізгі мақсаты – жастар арасында бауырмалдық пен ынтымақтастықты арттыру, саламатты өмір салтын насихаттау және мешіт жамағатының ауызбіршілігін нығайту.
Тартысты өткен ойын барысында қатысушылар өзара бірліктің, ұйымшылдықтың және рухани бауырластықтың жарқын үлгісін көрсетті. Футболдан кейін имам жастарға имандылық, адалдық пен жауапкершілік тақырыптарында тағылымды насихат айтып, шынайы мұсылман болудың рухани әрі қоғамдық маңызына тоқталды.
Бұл игі іс-шара жастардың мешітке деген қызығушылығын арттырып, оларды тәрбиелік мәні жоғары әрі пайдалы істерге тартуға септігін тигізді.
ҚМДБ Қарағанды облысы өкілдігінің баспасөз қызметі