Шет ауданы, Ақадыр кентіндегі «Иса молла» мешітінің әйелдер жамағатының ұстазы Әлия Рахманқызы әйел-қыздар жамағатына арналған уағыз-насихат жүргізді.

«Отбасындағы сыйластық» тақырыбында өткен кездесуде ұстаз отбасы берекесінің негізгі тірегі – өзара құрмет пен түсіністік екенін айтып, тұрмыстық зорлық-зомбылықтың алдын алу жолдары жайында кеңінен түсіндірді. Сонымен қатар шариғаттағы әйелдің мәртебесі мен құқықтары туралы да кең көлемде ақпарат берілді.

Игі насихат кездесуі әйелдерге рухани мотивация беріп, отбасындағы татулық пен ізгілікті арттыруға бағытталды.

ҚМДБ Қарағанды облысы өкілдігінің баспасөз қызметі