«Ислам және отбасы құндылығы» жылы аясында Абай аудандық орталық мешітінің ұйымдастыруымен жаңадан шаңырақ көтерген жас отау иелерімен тағылымды кездесу өтті.

Кездесу барысында «Өнегелі отбасы – қоғам байлығы» тақырыбында насихат айтылды. Мешіттің наиб имамы Есбол Оңал ер мен әйелдің отбасындағы рөлі, өзара сыйластық пен бала тәрбиесі сынды маңызды мәселелерге тоқталып, жастарға үлгілі отбасы болудың жолдарын түсіндірді.

Сондай-ақ, кездесуде қатысушылар тарапынан қойылған сұрақтарға нақты әрі пайдалы жауаптар берілді. Игі іс-шара отбасылық құндылықтарды дәріптеп, жас жұбайлардың рухани білімін арттыруға бағытталды.

ҚМДБ Қарағанды облысы өкілдігінің баспасөз қызметі