Қарағанды қалалық «Әл-Ғаффар» мешітінің бас имамы Ермахан Оралбай Қарағанды қалалық №1 өрт сөндіру бөлімінде кездесу өткізді.

Іс-шара барысында имам «Дін мен дәстүр», «Отбасы құндылықтары» тақырыптарын қозғап, рухани тәрбие мен ұлттық құндылықтардың маңызын түсіндірді. Сонымен қатар «Жат ағымдардың қоғамдық қауіпсіздікке, неке мен отбасы институтына және адам денсаулығына төндіретін қатері» жөнінде жан-жақты уағыз-насихат жүргізді.

Кездесу соңында қатысушылар өздерін мазалаған сұрақтарын қойып, еркін пікір алмасу алаңы қалыптасты. Игі бастама қоғам тыныштығы мен рухани тұрақтылықты сақтау жолындағы маңызды қадамдардың бірі болды.

ҚМДБ Қарағанды облысы өкілдігінің баспасөз қызметі