«Қарттар – біздің асыл қазынамыз». Кешегі күні елі мен жерінің қамын ойлап, игілігі үшін тер төккен қарияларымыздың орны қашанда ерекше. Үлкенге құрмет, кішіге ізет көрсету — адамгершіліктің ең асыл қасиеттерінің бірі.

Осы орайда Нұра аудандық мешітінің бас имамы Ерлан Серікұлы аудан орталығындағы Қарттар үйіне зиарат жасап барды. Демеушілердің қолдауымен қарттарға арнап ас беріліп, 40 адамға ет асып, ақ дастархан жайылды.

Іс-шара барысында уағыз-насихат айтылып, ата-әжелерге жүрек жылуын сыйлайтын әңгімелер айтылды. Құран оқылып, қариялар ақ батасын берді.

ҚМДБ Қарағанды облысы өкілдігінің баспасөз қызметі