Қарағанды қаласындағы «Әл-Ғаффар» мешітінде әйел-қыздар жамағатының «Iqro Kozaiym» оқырман ханымдар клубы кезекті отырысын өткізді. Бұл жолғы кітап талқысы «Тәлімгер тағылымы» атты еңбекті талқылауға арналды.

Жиын барысында қатысушылар кітаптан алған әсерлерімен бөлісіп, ой-пікір алмасты. Олар бұл еңбектің әрбір білімге ынтық мұсылман баласы үшін тағылымды тұстары мол екенін атап өтті.

Іс-шара аясында мешіт ұстазы Бақыт Амантайқызы кітап оқудың маңыздылығы мен ілім іздеудің артықшылығы жөнінде уағыз-насихат айтты. Сонымен қатар мұсылман әйелдің діни сауатын арттырып, рухани дамуына ықпал ететін осындай басқосулардың жиі ұйымдастырылуы – игі үрдіске айналғаны айтылды.

ҚМДБ Қарағанды облысы өкілдігінің баспасөз қызметі