31 мамыр – Саяси қуғын-сүргін және ашаршылық құрбандарын еске алу күніне орай Долинка кентіндегі Карлаг музейінде тағзым іс-шарасы өтті.

Шахтинск қалалық «Нұр» мешітінің имамы арнайы қатысып, зұлмат жылдары жазықсыз жапа шеккендердің рухына Құран аяттарын оқып, дұға жасады.

Рухани рәсім барысында қатысушылар өткеннің қасіретін еске алып, ел бірлігі мен бейбіт өмірдің қадірін ұғынды. Мұндай шаралар – тарихқа тағзым мен рухани сабақтастықтың белгісі.

ҚМДБ Қарағанды облысы өкілдігінің баспасөз қызметі