31 мамыр – Саяси қуғын-сүргін және ашаршылық құрбандарын еске алу күніне орай Қарағанды қаласындағы «Әл-Ғаффар» мешітінде бас имам Ермахан Оралбайдың ұйытқы болуымен тағылымды рухани іс-шара ұйымдастырылды.

Аталған күні мешіт жамағаты жазықсыз жапа шеккен ұлт қайраткерлері мен қарапайым халықтың рухына арнап Құран оқып, дұға бағыштады.

Қасіретті кезеңде атылып, айдалып кеткен Алаш азаматтарының есімін ұлықтау, олардың ел үшін жасаған ерліктерін ұрпақ санасына сіңіру – бүгінгі буынның қасиетті борышы. Бұл күн – тарихтан тағылым алып, ел бірлігі мен азаттықтың қадірін терең ұғынуға үндейтін маңызды дата.

Айта кетейік, «Әл-Ғаффар» мешіті халықтың тарихи жадын жаңғыртуға бағытталған рухани-мәдени іс-шараларды тұрақты түрде өткізіп келеді.

Тағзым. Тарих. Тәубе.

ҚМДБ Қарағанды облысы өкілдігінің баспасөз қызметі.