Шахтинск қаласының «Нұр» мешітінде Құрбан айт мерекесіне дайындық аясында қасапшыларға арналған арнайы семинар ұйымдастырылды.

«Қасапшыларға талап» деп аталған бұл түсіндіру жиынында мешіттің бас имамы Мәулен Әбілхайыр Кәсенұлы құрбандық шалу рәсіміне қатысты шариғи үкімдер мен әдеп-ережелерді кеңінен түсіндірді.

Семинар барысында құрбандық малын дұрыс сою, тазалық талаптарын сақтау, ықыласпен ниет ету, сондай-ақ малға жанашырлықпен қарау сынды маңызды мәселелер қозғалды. Сонымен қатар құрбан етін мұқтаж жандарға үлестірудің сауапты амал екендігі жайлы насихат айтылды.

Игі іс-шараның мақсаты – Құрбан айт күндері атқарылатын діни рәсімдердің шариғат талаптарына сай әрі мәдениетті түрде жүзеге асуын қамтамасыз ету.

ҚМДБ Қарағанды облысы өкілдігінің баспасөз қызметі.