1 маусым – Халықаралық балаларды қорғау күніне орай «Әл-Ғаффар» мешітінде бас имам Ермахан Оралбайдың бастамасымен қайырымдылыққа негізделген іс-шара ұйымдастырылды.

Игі бастама барысында көпбалалы және әлеуметтік жағдайы төмен отбасылардың балаларына тұрмыстық көмек көрсетіліп, тәтті сыйлықтар үлестірілді. Бұл – балаларға деген жанашырлық пен мейірімділікке құрылған сауапты іс.

Қасиетті дінімізде де балаларға мейірім танытып, оларды қорғау – әрбір мұсылманның адами әрі имани борышы ретінде айқын көрсетілген.

Мешіт қызметкерлері бүлдіршіндерге ақжарма тілектерін арнап, ата-аналар көрсетілген қолдау үшін жүрекжарды алғыстарын білдірді.

«Әл-Ғаффар» мешіті алдағы уақытта да балалардың амандығы мен тәрбиесіне бағытталған осындай сауапты істерді жалғастыра бермек.

ҚМДБ Қарағанды облысы өкілдігінің баспасөз қызметі