Қарағанды облысы, Шет ауданына қарасты Ақжал кенті мешітінің имамы Абильмашев Богдан Насырұлының ұйымдастыруымен Қарабұлақ және Сұлтанбұлақ басында тасаттық рәсімі өткізілді. Іс-шараға Ақжал кентінің жастары белсенді түрде қатысып, жауын тілеу ниетімен «Истисқа» намазы оқылды.

Рухани іс-шара барысында бір сиыр мен бір қой құрбандыққа шалынды. Құрбандық еті аймақтағы әлеуметтік көмекке мұқтаж 24 отбасыға үлестірілді.

Игі бастама — жастардың имандылыққа бет бұрып, бірлік пен қайырымдылыққа үн қосқанын білдіреді.

ҚМДБ Қарағанды облысы өкілдігінің баспасөз қызметі