Алла Тағала иман нәсібін тек жүрегі таза, шынайы ниет еткен пендесіне ғана бұйыртады. Бүгінде Ислам дініне бет бұрып, хақ діннің ақиқатына көз жеткізіп жатқандардың қатары күн сайын артып келеді.

Қарағанды қалалық «Төлеутай ата» мешітіне келген орыс ұлтының өкілі Ислам дінінің ақиқат дін екеніне көз жеткізіп, мұсылман болуға ниетін білдірді.

Мешіттің наиб имамы Дархан Түменбай келген азаматпен жүздесіп, дінге келудегі мақсат-мұратын сұрап білді. Рухани сұхбат барысында имам оған Ислам дінінің негіздері мен адамгершілік құндылықтары жайлы уағыз айтып, жан-жүрегіне жол тапты.

Шынайы ықыласымен мұсылман болуға ниет еткен азамат кәлима шахадатты айтып, Алланың бірлігі мен Мұхаммедтің (оған Алланың салауаты мен сәлемі болсын) елшілігіне куәлік берді. Сондай-ақ оған мұсылмандықтың бес парызы мен діни міндеттері жан-жақты түсіндірілді.

ҚМДБ Қарағанды облысы өкілдігінің баспасөз қызметі