Қарағанды облысына қарасты Бұқар жырау ауданында алда келе жатқан қасиетті Құрбан айт мерекесіне дайындық жұмыстарын пысықтау мақсатында аудандық әкімдікте арнайы жиын өтті. Басқосуға аудан әкімі, аудандық спорт бөлімінің басшысы және «Жыржыс қажы» мешітінің бас имамы Рүстем Мұратұлы қатысты.

Кездесу барысында ұлық мейрам кезінде өткізілетін діни және рухани іс-шаралар жоспары қаралып, ұйымдастыру мәселелері жан-жақты талқыланды. Сонымен қатар халыққа көрсетілетін әлеуметтік қолдау, құрбан шалуға қатысты тәртіп пен қауіпсіздік шаралары да назардан тыс қалмады. Жиын соңында жауапты мекемелерге нақты тапсырмалар берілді.

ҚМДБ Қарағанды облысы өкілдігінің баспасөз қызметі