Қарағанды қаласындағы «Бала қажы» мешітінің имамы Нуров Махмуд қажы Нурұлы Арапа күні қарсаңында қайырымдылық іс-шарасын жүзеге асырды. Ол жаңадан ашылған «Қайырымдылық орталығы» қоғамдық бірлестігінде тұратын мүгедек жандарға арнайы арба тарту етті.

Аталған қоғамдық бірлестікте қазіргі таңда жиырма адам тіркелген. Оның қатарында ақыл-есі төмен және мүгедек жандар, зорлық-зомбылық құрбандары, баспанасыз азаматтар, отадан кейін мүгедек болып қалғандар мен қараушысы жоқ қарттар бар. Бірлестік мемлекеттік қаржыландырусыз жұмыс істеп отырғандықтан, мешіт имамы қолынан келгенше көмек көрсетуге тырысты.

Арапа күні жасалған бұл қайырымдылықтың сауабы мол болғай! Алла Тағала мұқтаж жандарға жар болсын!

ҚМДБ Қарағанды облысы өкілдігінің баспасөз қызметі