Қарағанды қалалық «Хазрет Али» мешітінде Құрбан айт мейрамы аталып өтті. 

Таңғы сағат 06:00-де  мешіт жамағаты бір сапқа тұрып, сәждеге маңдай тигізіп, айт намазын оқыды.

Осылайша ұлық мереке құлшылықпен бастау алды.

Ұлық мейрамда мешіт имамы Ербол Мұқанұлы аймақ жамағатын Құрбан айт мерекесімен құттықтады. 

Одан кейін, жамағатқа айт құтпасы жеткізілді. 

Намаз соңында барша жамағат ел мен жердің амандығын тілесіп, дұға жасады.