Бүгін Қарағанды облысына қарасты Абай аудандық орталық мешітінде мұсылман жұртының ұлық мерекелерінің бірі — Құрбан айт мейрамы аталып өтті.

Таңғы сағат 06:00-де айт намазы оқылып, ұлық мереке құлшылықпен басталды.

Мейрам аясында Абай ауданының бас имамы Асхат Қанайұлы жамағатты Құрбан айт мерекесімен құттықтап, айттың қадір-қасиетін түсіндірді. Сонымен қатар мерекені берекелі әрі сауапты өткізуге шақырды.

Жамағатқа айт құтпасы айтылды..

Намаз соңында барша жамағат ел мен жердің амандығын тілеп, дұға жасады.

Жылдағы дәстүр бойынша мешіт ауласында айтшылап келген жамағатқа ас беріліп, мерекелік бағдарламалар жалғасты..

ҚМДБ Қарағанды облысы өкілдігінің баспасөз қызметі