Қарағанды облысына қарасты Абай аудандық орталық мешітінде құрбан шалу рәсімі басталып кетті.

Таң сәріде бір сапта тұрып, айт намазын оқыған жамағат ұлық мейрамның басты шарттарының бірі — құрбан шалу рәсімін жүзеге асыруға кірісті.

Құрбандық еті «Зекет және қайырымдылық» қорының ұйымдастыруымен әлеуметтік көмекке мұқтаж отбасыларға, көпбалалы жандарға, жалғызбасты аналарға, жетімдер үйі мен қарттар үйіне үлестіріледі.

Бұл игі іске мешіт шәкірттері мен еріктілер тобы жұмылдырылмақ.

ҚМДБ Қарағанды облысы өкілдігінің баспасөз қызметі