Қасиетті Құрбан айт мейрамының құрметіне орай Қарағанды қалалық «Төлеутай ата» мешітінің ұйымдастыруымен жеткіншектерге арналған кезекті қайырымдылық іс-шарасы өтті.

Мешіт имамы Рауан Төлеубекұлының бастамасымен мерекеге орай балаларға арналған көңіл көтеру бағдарламасы ұйымдастырылды.

Мешітте арнайы аниматорлар өнер көрсетіп, балаларға сұрақ-жауап ойындарын өткізді.

Сонымен қатар, қазақтың ұлттық ойындары — асық ату мен арқан тартудан сайыстар ұйымдастырылды.

ҚМДБ Қарағанды облысы өкілдігінің баспасөз қызметі