Қарағанды облысы, Бұқар жырау аудандық «Жыржыс қажы» мешітінде мұсылман қауымының ұлық мейрамы – Құрбан айт мерекесі жоғары деңгейде аталып өтті.

Аудан жамағаты таң сәріде Алла үйіне жиналып, айт намазын оқыды.

Мешіт имамы Рүстем Мұратұлы аудан халқын мейраммен құттықтап, өзінің ыстық лебізін білдірді. Сонымен қатар, «Құрбан айт – құтты мереке» тақырыбында уағыз-насихат айтты.

Мереке құрметіне мешіт ауласына қазақы киіз үй тігіліп, жамағатқа ас берілді.

Ұлық мереке спорттық сайыспен жалғасты.

ҚМДБ Қарағанды облысы өкілдігінің баспасөз қызметі