2025 жылғы 5 маусымда, яғни Арафа күні, «Әл-Ғаффар» мешітінде қасиетті Құрбан айт мерекесі қарсаңында жамағатқа арналған ауызашар ұйымдастырылды.

Игі іске мешіт жамағаты мен қала тұрғындары қатысып, ауызбіршілік пен рухани тұтастықтың маңызын жүрекпен сезінді. Ауызашар алдында мешіт ұстазы Азамат Төлеухан Арафа күнінің қасиеті мен артықшылығы жөнінде уағыз айтып, жиналғандарға ақжарма тілегін жеткізді.

Арафа күні – мұсылман үмбеті үшін аса қадірлі әрі берекелі күн. Бұл күні жасалған әрбір дұға мен қайырлы амалдың сауабы еселеніп жазылады. Мұндай мейірімге толы сәтте жамағатпен бірге ауыз бекітіп, бір дастархан басында бас қосу – рухани тәрбиенің, бауырмалдық пен ынтымақтың айқын көрінісі.

Арафа күні – дұға мен кешірімге толы мейірім мезгілі

ҚМДБ Қарағанды облысы өкілдігінің баспасөз қызметі