Абай ауданына қарасты Дубовка ауылдық мешітінде Құрбан айт мейрамының құрметіне орай әлеуметтік көмекке мұқтаж он отбасыға құрбандық еті үлестірілді.

Игі қайырымдылық іс-шарасы мешіт имамы Ақпамбет Наурызбек Мейрамбекұлының ұйытқы болуымен жүзеге асты. Бұл – ауыл мешітінің дәстүрлі жанашырлық жолындағы игі қадамдарының бірі болып саналады.

Құрбан айт – рухани тазару мен жақыныңа қамқор болудың айрықша үлгісін көрсететін мейірім мерекесі. Осындай сауапты сәттерде мұқтаж жандарға қол ұшын беру – ислам құндылықтарына сай ізгі амалдың көрінісі.

ҚМДБ Қарағанды облысы өкілдігінің баспасөз қызметі