Қарағанды қалалық «Бала қажы» мешітінде Құрбан айт мерекесі ұлықталып, жамағат үшін бірқатар игі іс-шара ұйымдастырылды.

Айт намазына жиналған халықтың қарасы көп болып, жамағат мешіт ауласында сап түзеп, намаз оқыды. Бұл – ел ішінде дінге деген бетбұрыстың, рухани оянудың көрінісі. Айт намазынан кейін спорттық және насихаттық бағыттағы іс-шаралар өтті. Белсенді азаматтар ұлттық ойындар мен өз өнерлерін көрсетіп, салт-дәстүр мен рухани құндылықтарды насихаттауға атсалысты.

Сондай-ақ жамағатқа арналып дастархан жайылып, тәтті тағамдар ұсынылды. Іс-шарадан соң құрбан шалуға ниет еткен азаматтар арнайы белгіленген орынға барып, құрбандықтарын шалды.

ҚМДБ Қарағанды облысы өкілдігінің баспасөз қызметі