Қасиетті Құрбан айт мейрамының құрметіне орай Қарқаралы қалалық «Мәди Бәпиұлы» мешітінде қазақтың ұлттық ойындарынан сайыс ұйымдастырылды.

Сайыс алдында ауданның бас имамы Митератбек Орынбекұлы қатысушыларды ұлық мерекемен құттықтап, ойынға қатысушыларға сәттілік тіледі.

Дін мен дәстүр астасқан айтулы мейрамда мешіт жамағаты «Өгіз тартыс», «Асық ату», «Арқан тартысы» сынды ұлттық ойын түрлерінен өзара бақ сынасты.

Тартысты өткен ойын нәтижесінде жеңімпаздарға бағалы сыйлықтар табысталды. Сонымен бірге белсенділік танытқан өзге қатысушылар да ынталандыру сыйлықтарымен марапатталды.

Игі іс-шара өңірдің дін жанашырлары мен мешіт жамағатының демеушілігімен жүзеге асты.

ҚМДБ Қарағанды облысы өкілдігінің баспасөз қызметі