Шет ауданына қарасты Ақжал кенті мешітінде қасиетті Құрбан айт мейрамы өз деңгейінде аталып өтті.

Мереке таңында мешітте айт намазы оқылып, мешіт имамы жергілікті жамағатты ұлық мейраммен құттықтады.

Жамағат ел мен жердің амандығын тілеп, бірлесе дұға жасады.

Намаздан кейін мешіт ауласында ұлттық дәстүрді жаңғырту мақсатында жамағат арасында «Садақ ату» сайысы ұйымдастырылып, қатысушылар мерекелік көңіл күймен сынға түсті.

ҚМДБ Қарағанды облысы өкілдігінің баспасөз қызметі