Center Image
IHSAN.KZ
Саран қаласында Құрбан айт мерекесі аталып өтті
Саран қаласында Құрбан айт мерекесі аталып өтті

ҚМДБ-ның Қарағанды облысы, Саран қалалық мешітінде мұсылман қауымының ұлық мерекелерінің бірі – Құрбан айт мейрамы кеңінен аталып өтті.

Таңғы сағат 06:00-де айт намазы оқылып, ұлық мереке құлшылықпен бастау алды. Мерекелік жиында Саран қалалық мешітінің бас имамы Нұржігіт Оразалыұлы Мұсабеков жамағатты Құрбан айт мейрамымен құттықтап, айттың мән-маңызы мен сауапты амалдары жөнінде насихат айтты. Жамағатқа айт құтпасы жеткізілді.

Намаз соңында барша жамағат ел мен жердің амандығын тілеп, бірлесе дұға жасады.

Жылдағы дәстүрге сай мешіт ауласында айтшылап келушілер үшін мерекелік бағдарламалар ұйымдастырылды. Іс-шаралар аяқталған соң жамағат және Саран қаласының тұрғындары арнайы белгіленген орында құрбандықтарын шалды.

Құрбандық еті «Зекет және қайырымдылық» қорының ұйымдастыруымен әлеуметтік көмекке мұқтаж жандарға, көп балалы отбасылар мен жалғыз басты аналарға үлестірілді.

ҚМДБ Қарағанды облысы өкілдігінің баспасөз қызметі


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz