Қасиетті Құрбан айт мерекесі Балқаш қалалық мешітінде жоғары деңгейде аталып өтті.
Мерекелік жиында қалалық мешіттің бас имамы Нұрболат Сейлханұлы Қалдарбеков жамағатқа Құрбан айттың мән-маңызы туралы уағыз-насихат айтып, барша жиналған қауымды айт мерекесімен құттықтады.
Айт намазынан кейін жамағатқа айттық таратылып, балаларға тәттілер мен арнайы әзірленген айттық пакеттер үлестірілді.
Мереке құрметіне Балқаш мешітінің ұйымдастыруымен спорттық сайыстар да өтті. Атап айтқанда, қол күрес, арқан тарту және кір тасын көтеруден жарыстар ұйымдастырылып, жамағат белсенділікпен қатысты.
Сайыс соңында жеңімпаздарға ақшалай сыйлықтар табысталып, қатысушыларға ынталандыру сыйлықтары берілді.
ҚМДБ Қарағанды облысы өкілдігінің баспасөз қызметі