Қарағанды қалалық «Әл-Ғаффар» мешітінде Құрбан айт мейрамы қарсаңында мешіт жамағаты арасында волейболдан достық турнир ұйымдастырылды.

Спорттық шараның мақсаты — жамағат арасындағы ауызбіршілікті арттыру, салауатты өмір салтын насихаттау және мерекенің рухани маңызын кеңінен ұғындыру болды. Жарысқа әртүрлі жастағы жамағат мүшелері қатысып, ұйымшылдықпен жоғары деңгейде ойын көрсетті.

Іс-шара соңында ұйымдастырушылар қатысушыларға алғыс білдіріп, мұндай игі дәстүрдің алдағы уақытта да жалғасатынын жеткізді.

ҚМДБ Қарағанды облысы өкілдігінің баспасөз қызметі