Ақтас кентіндегі «Ерімбет Ата» мешітінің ұстазы Әмина Алмасқызының ұйымдастыруымен қыз-келіншектерге арналған «Құранмен нұрланған жүрек» атты рухани іс-шара өтті. Бұл басқосудың мақсаты — Құранға деген сүйіспеншілікті арттыру, имандылықты насихаттау және Құрбан айт мейрамының мәні мен маңызын түсіндіру болды.

Жиын барысында Құрбан айтпен құттықтау айтылып, сұрақ-жауап кезеңі мен қызықты ойындар ұйымдастырылды. Қатысушыларға сыйлықтар тарту етіліп, ұстаздар тарапынан өнегелі насихаттар жеткізілді.

Шараға арнайы қонақ ретінде «Қазыбек Би» мешітінің ұстазы Ажар ұстаз шақырылып, өзінің өмірлік тәжірибесімен бөлісіп, жүрекке жетер уағыз-өсиет айтты.

Сонымен қатар, Құран оқуды жаңадан бастаған, тәжуид ережелерін меңгерген, 30-шы параны жаттаған және Құран жаттауды жалғастырып жүрген шәкірттерге арнайы марапаттар мен естелік сыйлықтар табысталды.

«Шын мәнінде, бұл Құран — адамдарды ең дұрыс жолға бастайды әрі игі істер істеген мүміндерге зор сауап бар екенін сүйіншілейді»
(Исра сүресі, 9-аят)

Алла Тағала жүректерімізді Құран нұрымен жарық етсін!

ҚМДБ Қарағанды облысы өкілдігінің баспасөз қызметі