Бұқар жырау ауданына қарасты Көкпекті ауылдық мешітінде Құрбан айт мерекесі кеңінен аталып өтті. Таңсәріден мешітке жиналған жамағат айт намазын оқып, елдің амандығы мен бірлігі үшін дұға жасады.

Намаздан кейін құрбандық малы шалынып, ауыл тұрғындарына арналып кең дастархан жайылды. Ауыл ақсақалдары мен мешіт жамағаты мерекелік дәмнен ауыз тиіп, бір-бірін айтпен құттықтады.

Сонымен қатар Құрбан айт мейрамының құрметіне ұлттық спорт ойындары ұйымдастырылды. Белсенділік танытқан жастар мен жеңімпаздар арнайы марапаттарға ие болды.

ҚМДБ Қарағанды облысы өкілдігінің баспасөз қызметі