Қарағанды қалалық «Төлеутай ата» мешітінде Құрбан айт мейрамына орай қайырымдылық іс-шарасы өтті. Игі іс-шара аясында 21 әлеуметтік жағдайы төмен отбасыға құрбандық еті үлестірілді.

Мешіттің наиб имамы Дархан Түменбай Алла үйіне келген жамағатты ұлық мерекемен құттықтап, атқарылған қайырымдылықтың мән-маңызын түсіндірді.

Ол бұл амалдың Исламдағы бауырмалдық пен мейірімге негізделген сауапты іс екенін атап өтті.

Айта кетейік, құрбандық еті жалғыз басты аналарға, көп балалы отбасыларға және денсаулығында ақауы бар азаматтарға теңдей бөлініп берілді.

ҚМДБ Қарағанды облысы өкілдігінің баспасөз қызметі