Қасиетті Құрбан айт мейрамының құрметіне орай Қарағанды облысы Бұқар жырау ауданына қарасты «Жыржыс қажы» мешітінде мерекелік іс-шара ұйымдастырылды. Іс-шара аясында жиналған жамағатқа айттық дәм беріліп, мерекенің рухани мәні кеңінен насихатталды.

Ауданның бас имамы Рүстем Мұратұлы жамағатты ұлық мейраммен құттықтап, Құрбан айттың мәні мен маңызына тоқталды. Сонымен қатар дін мен дәстүр сабақтастығын насихаттау мақсатында «Аталар мектебі — тәрбие бастауы» тақырыбында тағылымды уағыз айтты.

ҚМДБ Қарағанды облысы өкілдігінің баспасөз қызметі