Қасиетті Құрбан айт мейрамының құрметіне Қарағанды облысы Нұра аудандық мешітінде әлеуметтік қолдауға мұқтаж жандарға арналған қайырымдылық іс-шарасы өтті. Аудандық мешітте құрбандыққа шалынған 20 қой мен 1 ірі қара малының еті 60-қа жуық отбасыға үлестірілді.

Қайырымдылық жұмыстары айттың келесі күндерінде де жалғасып, құрбандық еті мүмкіндігі шектеулі және аз қамтылған азаматтарға жеткізілді.

Жалпы аудан көлемінде 120 қой мен 2 ірі қара мал құрбандыққа шалынды. Нәтижесінде 250 отбасыға құрбан еті таратылып, көпшіліктің алғысына бөленді.

ҚМДБ Қарағанды облысы өкілдігінің баспасөз қызметі